ஆதார் கார்டை இலவசமாக அப்டேட் செய்வதற்கான கால அவகாசம் மேலும் 3 மாதங்களுக்கு நீட்டிக்கப்பட்டுள்ளது.

ஆதார் கார்டு!

ஆதார் கார்டு!இந்தியர்கள் அனைவருக்குமே ஆதார் கார்டு என்பது மிக முக்கியமான ஆவணம் ஆகும். இது வெறும் அடையாள அட்டை மட்டுமல்ல; வங்கி மற்றும் பணம் சார்ந்த பல்வேறு விஷயங்களுக்கு ஆதார் முக்கியமாகும். அதோடு அரசின் நல்லத்திட்ட உதவிகளைப் பெறுவதற்கும் ஆதார் கட்டாயமாக்கப்பட்டுள்ளது. 

ஆதார் கார்டை பான் கார்டு, வங்கிக் கணக்கு, சிம் கார்டு, ரேஷன் கார்டு உள்ளிட்ட பல்வேறு விஷயங்களில் இணைப்பதை அரசு ஆதார் கார்டில் உள்ள விவரங்கள் அனைத்தும் அப்டேட்டாக இருக்க வேண்டியது அவசியம். அப்போதுதான் அது பயன்படும். சிலர் முதன்முதலில் ஆதார் கார்டு வழங்கப்பட்டபோது எப்படி இருந்ததோ அப்படியே வைத்திருப்பார்கள். அதில் நிறைய மாற்றங்கள் வந்திருக்கும். ஆனால் அதை அப்டேட் செய்யாமலேயே விட்டுவிடுவார்கள். நிறையப் பேருக்கு ஆதார் கார்டில் எப்படி அப்டேட் செய்வது என்றே தெரிவதில்லை.


ஆதார் கார்டில் அப்டேட் செய்வதற்கு கட்டணம் செலுத்த வேண்டும். இந்தக் கட்டணம் 25 ரூபாய் முதல் 50 ரூபாய் வரை இருக்கும். ஆதார் சேவை மையங்களில் இந்தக் கட்டணம் வசூலிக்கப்படும். எனனும் சில அப்டேட்கள் இலவசமாக செய்யப்படும். அதேபோல, ஆன்லைன் மூலமாக வாடிக்கையாளர்கள் தாங்களாகவே அப்டேட் செய்துகொள்ளலாம்..

வாடிக்கையாளர்கள் தங்களது ஆதார் கார்டில் இலவசமாக அப்டேட் செய்துகொள்ள ஆதார் அமைப்பு (UIDAI) சலுகை வழங்கியிருந்தது. ஜூன் 14ஆம் தேதி வரை வாடிக்கையாளர்கள் தங்களது ஆதார் கார்டில் இலவசமாக அப்டேட் செய்துகொள்ளலாம் என்று அறிவிக்கப்பட்டது. ஆன்லைன் மூலமாக செய்யப்படும் அப்டேட்களுக்கு மட்டுமே இலவச சலுகை வழங்கப்பட்டது.

கால அவகாசம் நீட்டிப்பு!​

கால அவகாசம் நீட்டிப்பு!​நிறையப் பேர் தங்களுடைய ஆதார் கார்டில் அப்டேட் செய்யவில்லை என்பதாலும், அவர்களுக்கு இன்னும் அவகாசம் என்பதாலும் ஆதார் கார்டில் இலவசமாக அப்டேட் செய்யும் கால அவகாசம் செப்டம்பர் 14ஆம் தேதி வரை நீட்டிக்கப்பட்டுள்ளது. இன்னும் 3 மாதம் அவகாசம் வழங்கப்பட்டுள்ளதால் வாடிக்கையாளர்கள் மகிழ்ச்சி அடைந்துள்ளனர்.

ஆவணங்கள் முக்கியம்!

ஆவணங்கள் முக்கியம்!ஆதார் கார்டில் உள்ள விவரங்களை அப்டேட் செய்வதற்கு சரியான ஆவணங்கள் இருக்க வேண்டியது அவசியம். தேவையான ஆவணங்களை ஆதார் வெப்சைட்டில் அப்லோடு செய்தால் மட்டுமே ஆதார் கார்டில் திருத்தம் செய்ய முடியும். பான் கார்டு, டிரைவிங் லைசன்ஸ் போன்ற ஆவணங்கள் தேவைப்படும்.

அப்டேட் செய்வது எப்படி?

அப்டேட் செய்வது எப்படி?ஆதார் கார்டில் அப்டேட் செய்வதற்கு முதலில் https://myaadhaar.uidai.gov.in/ என்ற வெப்சைட்டில் செல்ல வேண்டும். அதில் லாகின் செய்து ‘Name/Gender/Date of Birth & Address Update’ என்பதை தேர்ந்தெடுக்க வேண்டும். அடுத்து ‘Update Aadhaar Online’ என்பதை கிளிக் செய்து தேவையான அப்டேட்களை செய்யலாம். அதற்கான ஆவணங்களை அப்லோடு செய்து அப்டேட் செய்ய வேண்டும்.